零售價

星期日 '燒肺謝' 係腦場 windows shopping 時見到一款野，比起佢係電腦節買的價錢貴成倍，就口多多咁問下 '零受傷' :「點解你地 d 貨咁貴? 我係電腦節見過平成半喎，唔使暴利成咁下話。 」

'零受傷':「咁你去電腦節買喇，我聽日開始只賣電話，電話個價錢可以企硬 d，你老哥行多廿間鋪格價都係格到果一百幾十既價，或者多一兩隻毛公仔咁囉；咁喇有無興趣買電話亞，依家 d 電話可以上網又可以打機；連電磁都係環保物料做架，環保過你果隻野多多聲啦! 咁啦!你已家落打聽日黎提貨，我私人平多50蚊過你喇。」

'燒肺謝' 個樣好似明又有 d 唔明咁行左去，繼續睇下有無心水貨品，等下次電腦節再掃平貨。

所謂一旺淡三墟，係 '散貨場' 散到貨，就以為零售有得做？傻啦！香港咁細，互聯網又咁高透明度；消費者會自動等個價跌倒佢個心水價先入貨，如果重有零售的話。